Jæja félagar, nú ætlum við að endurtaka leikinn og koma saman á Frönskum dögum á Fáskrúðsfirði og sýna hjólin eins og við gerðum á síðasta ári.

Hittumst inn við íþróttahús kl. 13:00 á laugardaginn 24. júlí, þar röðum við okkur upp áður en við fáum okkur einn hring í bænum og endum innan við lögreglustöðina þar sem við leyfum fólkinu að skoða fákana okkar.

Athugið, við förum ekki inn í skrúðgönguna eins og auglýst er í dagskrá Franskra daga.

---

Segðu frá þessu á:

Félagar, lítið á þennan línk, átak hjá Sniglum, til fyrirmyndar: http://sniglar.is/sniglar/allarfrettir/item/516-hjoladi-vinnuna

---

Segðu frá þessu á:

Þarna var verið að malbika þann 14. júní. Ég var nú heldur kátur og bjóst við að það yrði eitthvað hreinsað í leiðinni. Ekki var það nú gert og eru gatnamótin nú ENN VERRI EN ÁÐUR!

---

Segðu frá þessu á:

Ágætu meðlimir og aðrir bifhjólamenn.

Í gær, þann 3. júní, tók ég rúnt á Egilsstöðum á mínu ágæta hjóli kl. 16:30. Fór um allmörg gatnamót, ætíð með í huga að þar gæti leynst möl, sandur og annað sem tilheyrir ekki okkar íslenska malbiki, þó malbikið okkar sé vissulega ekki á heimsmælikvarða. Skellti mér í heita pottinn og þegar ég var búinn þar, eftir ca. 1,5 klst tók ég annan svipaðan hring þar sem veðrið bauð engan veginn upp á að fara beint heim. Nema hvað: Hefði ég ekki farið yfir með mín föstu varnarorð í huganum, sem ég geri alltaf þegar ég sest á hjólið og set í gang, þá hefði ég verið í háum áhættuflokki með að dúndrast á hliðina í sömu beygjunum sem voru þokkalegar hreinar stuttu áður. Mitt fyrsta „persónulega varnarorð er: KÓKAPUFFS! Greinilegt var, að einhver ágætur/ágætir verktakar höfðu ekið sömu leið og ég, ekki með það í huga að hugsa um öryggi okkar, sem og annara vegfaranda, heldur hugsa um að koma sem mestu efni á trukkana á kostnað öryggis okkar og annara vegfarenda en sínum fjárhag til framdráttar, þe. koma sem mestu efni með í hverri ferð. Skiljanlegt að hluta en allt hefur sín takmörk. Með þessari grein, fylgja nokkrar myndir sem ég tók í dag til að sýna myndrænt hversu alvarlegt þetta er, svo ég noti þekkt hugtak: Myndir segja meira en mörg orð.

#29 Smári Sigurjónsson, meðlimur og stjórnarmaður Vélhjólaklúbbs Austurlands - DREKAR

Elstu krossgötur Egillstaða - Horft innan af Vallavegi út nesið í átt að Bónus

Elstu krossgötur Egillstaða - Horft upp Fagradalsbraut, aksturstefna að Fjarðabyggð

Elstu krossgötur Egillstaða - Horft upp að Samkaup ( KAUPFÉLAGINU)

Gatnamót: Til vinstri: Seyðisfjörður/Eiðar/Úthérað - Beint áfram til Fáskrúðsfjarðar (Fjarðabyggð)

Gatnamót: Til vinstri: Seyðisfjörður/Eiðar/Úthérað

Síðustu metrarnir að gatnamótunum: Seyðisfjörður, Eiðar Úthérað / Fáskrúðsfjarðar (Fjarðabyggð), í bakgrunni Bóasarhús

---

Segðu frá þessu á:

Unnur #57 og Högni Páll #12 eru lögð af stað í 6 vikna túr um Evrópu. Áhugasamir geta fylgst með þeim hér.

---

Segðu frá þessu á:

Þá er sumarið að koma, starfsmenn Vegagerðarinnar farnir að leggja lausamölina á vegi landsins.

Ég fékk fréttir af því í morgun (4.júní) að verið sé að leggja slitlag í Oddskarðinu.

Hjólum heil heim.

---

Segðu frá þessu á:

Drekar: Hjólaskoðunardagur Dreka er næsta þriðjudag hjá Aðalskoðun (Bíley) á Reyðarfirði.

Byrjað verður að skoða kl. 18:00 og haldið áfram þar til allir hafa fengið skoðun.

30% afsláttur er fyrir þá sem mæta í þessa sérstöku Drekaskoðun, (mætum að sjálfsögðu með Drekakortin okkar).

Sjáumst hress og kát.

Viðburðanefndin

---

Segðu frá þessu á:

Hópakstur mótorhjólafólks

Þann 1. maí hefur um árabil verið haldin forvarnardagur Snigla með hópkeyrslu um borgina til að minna aðra vegfarendur á að mótorhjólin eru komin út á göturnar. Þetta ár er engin undantekning og er ætlunin nú sem fyrr að minna rækilega á okkur á götum borgarinnar og á sama tíma vekja athygli á málstað okkar en fyrir alþingi liggur frumvarp til nýrra umferðarlaga, þar sem lítið tillit er tekið til athugasemda mótorhjólamanna.

Safnast verður saman á Laugaveginum frá klukkan 10:30, hann fylltur af mótorhjólum upp úr öllu (Laugarvegur verður lokaður umferð á meðan) Keyrslan sjálf leggur af stað 11:30 niður Bankastræti og þaðan um Vonarstræti milli alþingis og ráðhúss Reykjavíkur, þar sem ætlunin er að láta aðeins heyrast í hjólunum og / eða flauta til að vekja athygli á málstað okkar. Leiðin liggur svo um Hringbraut, Bústaðaveg, Kringlumýrarbraut og Reykjanesbraut áður en keyrslan endar í Kauptúni gengt IKEA.

Árekstur mótorhjóls

Um kl 13:00 verður mótorhjól látið falla úr 10 metra hæð til að líkja eftir árekstri mótorhjóls við fastan hlut á um það bil 50 km/klst. Fallið ætti að sýna vel höggið við árekstur mótorhjóls.

Hjólið verður til sýnis eftir „áreksturinn“ á sýningunni Burnout 2010 og „droppið“ verður myndað á high speed video vélar að hætti Mythbusters.

Íslandsmeistaramótið í hjólafimi - vegleg verðlaun

Klukkan 14:00 verður haldið Íslandsmeistaramót í hjólafimi. Keppt verður í tímamældri þrautabraut, þar sem úrslitin ráðast á tíma og tækni, en refsistig verða gefin fyrir villur í brautinni.  Keppt verður á 125cc hjólum sem verða á svæðinu til að tryggja jafnræði.

Verðlaunin eru ekki af verri endanum  

      1.       Verðlaun – 60.000 kr. Bensín úttekt frá Orkunni

      2.       Verðlaun – Hjálmur frá Suzuki umboðinu

      3.       Verðlaun – 20.000 kr. Gjafabréf frá IKEA

Stigahæsta kona – Dagsferð með Biking Viking mótorhjólaleigunni
Stigahæsti karl – Dagsferð með Biking Viking mótorhjólaleigunni

Hægt er að skrá sig til keppni með því að senda póst á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða á staðnum fyrir keppni. Skilyrði fyri þátttöku er að vera með mótorhjólapróf.

Sýning

Dagana 30. apríl til 2. maí verður haldin Burnouthelgin 2010 sem er samstarfsverkefni Snigla, Kvartmíluklúbbsinns og BÍKR. Burnouthelgin 2010 mun bjóða upp á dagskrá við allra hæfi og þar á meðal sýningarviðburð sem verður sennilega sá stærsti síðan Sýningarhöllin Ártúnshöfða var og hét. BÍKR mun standa fyrir brautarrallý af bestu gerð og fleiri uppákomum á Samskipasvæðinu við Holtagarða.  Á sýningunni verða sýnd um 200 tæki, sportbílar, kvartmílutæki og þar af um 100 mótorhjól á tæplega 8000 fermetrum.

Gamalt og sérstakt er markmið Snigla með mótorhjólahluta sýningarinnar en mótorhjól verða sýnd á um 2500 fermetrum og markmiðið að draga fram bæði gömul og sérstök mótorhjól. Á  sýningunni verða margir fallegir gripir sem sumir hverjir hafa ekki verið sýndir áður svo sem Hendeson 1918 gert upp af Grími Jónssini. Ýrr í Tatoo bike verður með Airbrush á sýningunni og sprautar og selur boli. Einnig verða hjól sem hafa verið skreytt með Airbrush á sýningunni. Kynning verður á Mótorhjólasafni Íslands og margir gripir safnsins á svæðinu.

Innkoma Snigla af þessari sýningu mun öll renna til Mótorhjólasafns íslands (www.motorhjolasafn.is) og forvarnarverkefna á vegum umferðarnefndar samtakanna. Umferðarnefnd mun meðal annars dreifa límmiðum með áletruninni „Sérðu mótorhjól? – Líttu aftur!“ til að setja í bílrúður á sýningunni.

Ef þú hefur áhuga á að sýna hjól á sýningunni, hafðu samband við Berg í Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Biker Ball

Eftir að hafa hjólað frá okkur mest allt vit í hópkeyrslunni um daginn þá ætlum við að skemmta frá okkur því viti sem eftir er að kvöldi 1. maí á Players Kópavogi. Rokk/blues bandið Síðasti Séns leikur fyrir dönsum og djammi með DJ Mikkólf sér til halds og trausts.

Miðaverði hefur verið stillt í hóf og inn kostar litlar 1500 krónur íslenskar. Ekki þýðir að borga með erlendum gjaldeyri, við komust hvort eð er ekkert út til að eyða honum.  Bandið samanstendur af þaulreyndum djammhundum sem marga fjöruna hafa sopið og DJ Mikkólfur hefur sopið þær tvær eða þrjár, enda fjöru áhuga maður mikill.

Rokk, Ról og Mótorhjól.

Kveðja,
Sniglar
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
www.sniglar.is

---

Segðu frá þessu á:

Á aðalfundinum í síðustu viku var að kosið í stjórn og nefndir og eru þær þannig skipaðar:

Í stjórninni eru: Níels #36 Formaður, Einar #8 Gjaldkeri, Högni #12 Meðstjórnandi, Smári #29 Meðstjórnandi,

Óskar #59 Meðstjórnandi, Gunnar #37 Varamaður og Björn Starri #27 Varamaður.

Skoðunarmenn reikninga: Hlífar #4 og Ólöf #61.

Umferðaröryggisnefnd (UÖN): Hlífar #4, Grétar #1 og Binni #25.

Viðburðanefnd: Malla #60, Óli Níels #14, Ægir #75, Rósi #50 og Ómar #35.

 Ritnefnd: Þórunn #46, Níels #36, Smári #29, Siggi #15 og Börkur #85.

---

Segðu frá þessu á:

Spáinn fyrir miðvikudagskvöld: Hæg vestan átt , heiðskýrt, hiti 7-9 gráður.

Verður það eitthvað betra? Þá er bara að drífa sig í gallann og mæta.

---

Segðu frá þessu á:

Mono-weel eru smíðuð fyrir þá sem hafa ekki efni á “venjulegum“  mótorhjólum.

Menn bara redda sér ef þeir eru gjarnir á að detta.....

Ferrari eru að koma sterkir inn á hjólamarkaðinn....

Það komst vírus í teikniforritið hjá BMW.... þetta eru afleiðingarnar

Þessi maður tapaði í torfærukeppni mótorhjóla í fyrra, hann ætla ekki að láta það koma fyrir aftur og mætir svona útbúinn til leiks þetta árið.

Snilldar hugmynd til að sameina áhugamálin sín

---

Segðu frá þessu á:

Aðalfundur DREKA vélhjólaklúbbs austurlands 2010.

Staður: Björgunarsveitarhúsið Fáskrúðsfirði

Dagur: miðvikudagur 7. apríl

Tími: kl: 20.00.

Fundarefni: Venjuleg aðalfundarstörf og inntaka nýrra félaga.

                                                  Nýir félagar velkomnir.

---

Segðu frá þessu á:

Á aðalfundi Sniglanna var samþykkt stefnuyfilýsing þar sem þeir skilgreina sig sem hagsmunasamtök fremur en klúbb bifhjólafólks. Yfirlýsingun í heild má nálgast hér: http://sniglar.is/component/k2/item/299-stefnuyfirlýsing-bifhjólasamtaka-lýðveldisins-snigla

---

Segðu frá þessu á:

Hæ og gledilegt hjólaár. Ég er ad kynna ferdina mina til Daytona bikeweek í mars 3 til 13. verðið er frá 98 þús og er ad finna hjá Icelandair,sérferdir. þad væri nú gaman ad sjá íslenska DREKA á Daytona Bikeweek

KV Haddi Emils.

email Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.             S: 893 4453     

---

Segðu frá þessu á:

CanAm-SpyderRT Audio and Convenience Roadster

Vélsleði bíll mótorhjól ???????

Ekki má gleyma kerrunni, það þarf að koma garðúrganginum á haugana....

Rollsinn frá Rússlandi....Ural-Retro-Red afmælisútgáfa framleidd í október 2010

Þeir sem tóku þessar myndir reyndu hvað þeir gátu til að reyna ná fram hráa rauða litnum sem er á hjólinu uppá skjáinn, en það tókst ekki..... ef þú sérð eitthvað fallegt við þennann lit á þessum myndum þá er það ekki rétti liturinn......

Ridley - The Twin - Breska útgáfan.......

Royal Enfield-Bullet G5 Classic EFI - Klassískt og fallegt hjól

Eitt flott keppnis í restina.... Phantom - EG

Þessi hjól og fleiri er hægt að sjá á þessari síðu

---

Segðu frá þessu á:

Nýjasta hjólið í flotanum á leiðinni heim, Högni Páll var að leggja af stað frá Reykjavík um klukkan 10 í morgun á glænýju Suzuki V-Strom 650 sem er frekar merkilegt á þessum árstíma  Unnur til hamingju með nýja hjólið!

---

Segðu frá þessu á:

Ekki gleyma góðir félagar hvar jólagjafirnar fást.

Farið inná www.merkt.is og smellið á "klúbbar" þá á "Drekar" síðan er það notendanafn "drekar" og password "austur".

Ef að þetta vefst eitthvað fyrir ykkur eða ef þið hafið séróskir eða einhverjar sérþarfir varðandi vörur þá bara hringið þið í þessar elskur hjá Merkt og þær leysa málin fyrir ykkur.

Munið bara að panta tímanlega til að hægt sé að afgreiða pöntun ykkar fyrir jól. 

---

Segðu frá þessu á: